စစ်ကိုင်းမြို့၊ အမှတ်(၃)ရဲလေ့ကျင့်ရေးသင်တန်းကျောင်းတွင် (BFM)က စက်ရေတွင်းအောင်မြင်စွာတူးဖေါ်

ကမ္ဘောဇအနာဂတ်အလင်းတန်းမြန်မာဖောင်ဒေးရှင်း(BFM) သည် မြန်မာနိုင်ငံ နေရာဒေသအနှံ့အပြား ရေရှားပါးသောနေရာဒေသများ၌ ရေတွင်းတူးစက်ကြီးများဖြင့် စက်ရေတွင်းများတူးဖော်လှူဒါန်းလျက်ရှိရာစစ်ကိုင်းတိုင်းဒေသကြီး၊ စစ်ကိုင်းမြို့၊ အမှတ်(၃)ရဲလေ့ကျင့်ရေးသင်တန်းကျောင်းတွင် တူးဖော်လျက်ရှိသော စက်ရေတွင်းသည် စက်တင်ဘာလ ၁၇ ရက်နေ့တွင် အနက်ပေ (၈၀၀) သို့ အရောက် တစ်နာရီရေဂါလံ (၃၅၀၀) နှုန်းဖြင့်ရေအောင်ခဲ့ပြီဖြစ်ပါသည်။

ယခုအောင်မြင်ခဲ့သော အမှတ်(၃) ရဲလေ့ကျင့်ရေးသင်တန်းကျောင်း စက်ရေတွင်းမှ ရရှိသောရေကို သင်တန်းသား(၈၀၀) နှင့် သန္ဓေအင်အား(၂၀၀) စုစုပေါင်းအင်အား(၁၀၀၀)အတွက် ပြည့်စုံဖူလုံစွာဖြင့် သုံးစွဲနိုင်မည်ဖြစ်သည်။

ကမ္ဘောဇအနာဂတ်အလင်းတန်းမြန်မာဖောင်ဒေးရှင်း အနေဖြင့် စက်ရေတွင်းတူးရန် အလွန်ခက်ခဲသည့်ဒေသများတွင် စက်ရေတွင်းပေါင်း ၁၇၀ တွင်းတူးဖေါ်ခဲ့ပြီး ၁၂၈ တွင်းကို အောင်မြင်စွာ တူးဖေါ်နိုင်ခဲ့ပါသည်။ ထို့အပြင် မတူညီသည့် ဒေသများဖြစ်သည့် တောင်ကြီးခရိုင်၊ ကျောက်တစ်လုံးကြီးမြို့၊ စစ်ကိုင်းမြို့ အမှတ်(၃)ရဲလေ့ကျင့်ရေး သင်တန်းကျောင်း၊ ရွာငံတိုက်နယ်ပြည်သူ့ဆေးရုံ၊ သာစည်မြို့နယ်ညောင်ရမ်းဒေသနှင့် ညောင်ရွှေမြို့နယ်တို့တွင်လည်း စက်ရေတွင်းတူးစက်ကြီး(၆)ဖြင့် တစ်ပြိုင်နက် ဆက်လက်တူးဖေါ်လှူဒါန်းပေးလျက်ရှိပါသည်။